A PORTA DU PARADISU
La porta di Lampedusa, porta d'Italia e d'Europa, non si spalanca, in una notte di tempesta, per accogliere "i disperati del mare" alla ricerca di un sogno per sopravvivere.
Chjovia su lampedusa cu li cati:
l'aprenu i lampi u celu a mo' i granatu
e a mmenzu a nu tilupu i nuvolati,
s'arrocculava u tronu viatu viatu.
Frischjava u ventu e l'arburi sgangati
facenu mburmu a menzu di la via,
tutti i fanali eranu astutati
e a luci du faru on si vidia.
Oh chi nottata brutta chi nchjudia
pe' chiji sbenturati mmenzu mari,
cuntra alli scogghj l'unda li sbattia,
sulu a Madonna li potia aiutari.
Ma lu destinu, ngratu, i bbandunau
e all'improvvisu cu n'undata forti
a carretta a dui pezzi si spaccau
e chjù di unu jà trovau la morti.
E cui gridava, pregava e cui ciangia
e cui chjamava disperatu Diu
e cui i figghjoli o pettu si stringia...
Ma nuju i Lampedusa s'accorgiu.
Poi vinni l'arba, n'arba lividusa
e u mari chjanu chjanu s'acquetau,
nta l'acqui, galleggiandu, i Lampedusa,
crudeli a morti l'ali soi passau.
Moriri senza nuju mi cunorta,
mpetrata restau a lacrima nto visu,
trovaru i Lampedusa chjusa a porta,
ma spalancata supa u Paradisu.
